Autor/a: innovacioncufie

Publicada a I Convocatoria de Grupos de Innovación Educativa da Universidade da Coruña

innovacioncufieDeixar un comentario

Inauguramos curso académico con unha nova iniciativa que, sen dúbida, será de grande interese para o noso profesorado e para o persoal investigador: a Vicerreitoría de Oferta Académica e Innovación Docente, en colaboración co CUFIE, acaba de lanzar unha convocatoria para a constitución e recoñecemento de Grupos de Innovación Educativa (GIE).

Os obxectivos que se perseguen son os seguintes:

  • Promover a participación do profesorado en accións de innovación educativa.
  • Fomentar o traballo colaborativo e interdisciplinar mediante asociacións estables de profesores que favorezan a actualización permanente e o desenvolvemento profesional docente.
  • Darlles unha maior proxección e difusión ás actividades de innovación educativa da UDC para adquirir unha maior presenza nos foros educativos nacionais e internacionais.
  • Mellorar o impacto dos procesos de ensino-aprendizaxe e, en xeral, a calidade do ensino impartido na UDC.

Todos os detalles desta convocatoria pódense consultar na sede electrónica da UDC e nesta ligazón á nosa web: http://www.udc.es/cufie/INNOVACION/GIE/IConvocatoria.html 

Como avance, deixámosvos aquí recollidas na seguinte infografía as 5 cuestións clave sobre os GIE. Esperamos que sexa un éxito!

GIE-Infografia

Docencia e propiedade intelectual: que materiais podemos usar legalmente na docencia universitaria?

innovacioncufieDeixar un comentario

profesora-enliña

Este artigo é unha adaptación (máis ben debemos dicir unha traducción ao galego) dunha guía publicada polo CENT da Universidade Jaume I titulada Docència i propietat intellectual. Quins materials puc utilitzar legalment en la docència universitària? baixo licenza de atribución.

Como é de todos sabido, o profesorado das universidades españolas debe aterse escrupulosamente á Lei de Propiedade Intelectual cando publica materiais de aprendizaxe na súa aula virtual, baixo ameazas de cuantiosas multas cando se produce incumplimento dos termos da dita Lei.

Por esta razón, ante as numerosas dúbidas que lle xorden ao noso profesorado, presentamos aquí tanto as nocións básicas que cómpre coñecer sobre a propiedade intelectual, coma os tipos de materiais que podemos empregar legalmente na nosa docencia. Vaia o noso agradecemento ao equipo do profesor Jordi Adell, director do CENT, pola súa xenerosidade ao licenzar este material e tamén á profesora Linda Castañeda por publicar a tradución ao castelán no seu blog. Seguir lendo →

Docentes conectad@s: o reto de educar na era dixital

innovacioncufieDeixar un comentario

Docentes conectad@s: o reto de educar na era dixital

Docentes contectad@s: o reto de educar na era dixital é o título do curso de verán organizado polo CUFIE que se vai celebrar os días 10 e 11 de xullo na Facultade de CC. da Educación do campus de Elviña.

A nosa intención foi crear un punto de encontro, unha ocasión para reunir a docentes de niveis educativos diferentes para debater, poñer en común ideas e proxectos e crear sinerxias que lles permitan traballar xuntos arredor dos novos paradigmas educativos que están a xurdir no contexto da era dixital e conectar as aulas coas necesidades dunha sociedade en permanente cambio.

Titulámolo Docentes conectad@s para facer fincapé na necesidade de establecer conexións e de tecer fíos entre os distintos actores implicados na construción dunha educación de calidade:

  • Conexión das aulas con unha sociedade cambiante que esixe unha actualización permanente das metodoloxías e das ferramentas coas que se densenvolve a docencia.
  • Conexión do/as docentes entre sí, porque a calidade do ensino na era dixital pasa ineludiblemente polo traballo colaborativo e a creación de redes de profesionais que aprendan xuntos compartindo coñecemento.
  • Conexión docentes-alumnado a través de ferramentas, estratexias didácticas e metodoloxías activas que poñan ao alumnado no centro do proceso de ensino-aprendizaxe.
  • Conexión docentes-tecnoloxía educativa que posibilite a mellora e actualización da competencia dixital docente.

Seguir lendo →

Aprendizaxe Servizo universitario: cando a aula se expande para mellorar a contorna

innovacioncufieDeixar un comentario

team-CCO

A Responsabilidade Social Universitaria é unha das cinco áreas clave recollidas no Plan estratéxico 2013-2020 da Universidade da Coruña co propósito de converter a nosa institución nun motor de cambio social e establecer unha relación bidireccional universidade-sociedade que permita xerar unha dinámica de desenvolvemento social, cultural e económico.

Neste marco de acción, cobra sentido o impulso que desde o CUFIE vimos dando, coa colaboración da Oficina de Cooperación e Voluntariado da UDC, ao Aprendizaxe Servizo nas nosas aulas universitarias.

A Aprendizaxe Servizo (ApS) é unha proposta educativa que combina procesos de aprendizaxe e de servizo á comunidade, na que o alumnado aprende traballando en necesidades reais da súa contorna coa finalidade de mellorala.

Seguir lendo →

8 erros no uso de Moodle para a docencia. Breve historia desta guía

innovacioncufieDeixar un comentario

Nota: para ler a guía en castelán preme AQUÍ.

O xerme do que abrolla esta guía partiu dunha proposta que me lanzou o doutor José Luis Tasset, profesor e decano da Facultade de Humanidades e Documentación, durante un curso que impartín recentemente nese centro. Moi acertadamente, o profesor Tasset argumentaba que na maioría de ocasións aprendemos de xeito máis profundo e efectivo a partires dos nosos propios erros que cando tan só se nos expoñen as solucións a un problema.

Durante un tempo, esa idea estivo dando voltas na miña cabeza, pensando en como aplicala ao logro dun uso máis didáctico da plataforma Moodle nas accións formativas que se levan a cabo na nosa universidade. Seguir lendo →

Benvido/as ao novo blog do Cufie!

innovacioncufieDeixar un comentario

primeiropost-blog-cufie

Hoxe estamos de estrea no Cufie e queremos darvos a benvida a este novo espazo de intercambio de coñecemento no que temos postas moitas ilusións.
Queremos por unha banda, que este blog constitúa un novo punto de encontro, de debate e de diálogo entre o noso servizo e a comunidade universitaria da UDC e por outra, que sirva de ponte entre a nosa universidade e o resto do mundo.  Confiamos en que o que aquí imos compartir sexa de interese e de utilidade para calquera persoa de calquera punto do planeta relacionada co ámbito da educación e da formación.
COMPARTIR, ese é o noso principal obxectivo coa creación desta ventá á aldea global que é a web 2.0. Levábamos un tempo urdindo a maneira de publicar os materiais de apoio á docencia e os proxectos de diversa índole que facemos no Cufie e pensamos que este blog pode ser un bo marco para poñelos a disposición de todo aquel que teña interese.
Quedades todo/as convidado/as a ser parte integrante deste espazo enriquecéndoo mediante as vosas achegas e comentarios.
Sede moi benvido/as!!

Ana, Sonia e David